قلمى فى اديكى

قلمي فـ إيدي بكى وقال لي إيـه ذنبي


أكتـب دموعك وانا بكتب بلون بـامبي ?


أنا غاوي أكتب غـناوي كُلهـا أفـراح


ولو إنت غاوي البكا في ميـت قلم جنبي


إشمعنى أنا إخــترتني للصبـح أبكي معاك


وفْـ ليلي سهرتني أكتب أســاك وشقاك


إرحمني يوم والنبي وإرميني م الشبــاك


عشـان ياخدني صبي واقف يغـني هنـاك


يرسم بي شُخبيطة عصفورة ع الحيـــطة


طبلة ترمبيطة أو ورد مـــش أشــواك


إما أنت مش همنعك إبكي وإبكي كمــان


يـمكن بُكاك ينفعك أو تخلص الأحــزان


بحلف وندرٍ عليَّ لو سبت فيَّ بـقيــــة


لرسم بألوان بهية بسمة .......... للإنسان